Pieter J. Visser is leraar by N.G. Wierdapark in Centurion. In 2017 het hy sy PhD, onder die leiding van dr. Elmo Pienaar en prof. Ferdi Kruger, in voorhuwelikse begeleiding en werk-gesinsbalans, aan die NWU voltooi. Hy het in 2009 sy MA (Pastorale Gesinsterapie) onder leiding van prof. Julian Muller voltooi en werk vanuit 'n Narratiewe benadering in pastorale terapie sessies. Verdere belangstellingsvelde sluit prediking en liturgie, musiek, flieks en die gebruik daarvan in ons alledaagse bestaan en veral ook geestelike lewe in. Ander invloede in sy opleiding sluit 'n ervaringsleerkursus van Rodger Greenway en ervaringsleeropleiding en mentorskapskursus van dr. Roelf Opperman (Bronze Baobab) in, wat vir die fassilitering van gesprekke asook die aanbieding van jeugkampe, kategese materiaal en pastoraat gebruik kan word.. In 2012 het hy 'n traumaberadingskursus onder leiding van Dr. Ilse Gravett (Hospivisie) voltooi.


Narratiewe terapie is 'n beradingstyl veral geskik vir:
  • Voorhuweliksegesprekke
  • Hantering van verlies
  • Traumaberading
  • Gesinsterapie en oplossing van konflik
  • Individuele gesprekke (wat geestelike gesprekke insluit)

Ervaringsleer kan handig gebruik word in die volgende situasies:
  • Pastoraat
  • Kategese
  • Groepswerk en -evaluering
  • Om unieke uitkomste in probleem situasies te fasiliteer


Shadowmatch konsultasie bevorder die volgende situasies:
  • Persoonlike ontwikkeling
  • Verhoudingsontwikkeling
  • Akkurate aanstelling van werknemers
  • Werknemerontwikkeling
  • Optimaliseer spansamestelling
Om 'n afspraak te maak vir Narratiewe terapie, Shadowmatch konsultasie of vir voorhuwelikse pastorale sessies vir jou troue is jy baie welkom om dit sommer aanlyn te doen, deur die knoppie hieronder te kliek.

Jy is ook welkom om in die onderstaande tabel jou besonderhede in te vul indien jy eers meer inligting verlang

Gaan kyk ook gerus na wat bespreek gaan word in die voorhuwelikse pastorale gesprekke.